خلطات لإنبات الشعر عن تجربة مني شخصيا - موقع لالة سناء

نقدم لكم على موقع وصفتي احدى الفتيات التي ارادت مساعدة اخواتها اللواتي تعانين من مشاكل الشعر لذلك قررنا ان نقدم لكم متابعينا طريقتها الفعالة في تحضير خلطات لإنبات الشعر نتمنى ان تستفيد منها كل الفتيات اللوتي يحتجن لهذه الخلطات ابقو معنا .
السلام عليكم و رحمة الله
هذه أول مشاركة لي و اتمنى ان تستفيدو منها
بسم الله أبدأ حكايتي مع شكري لكن بالدارجة المغربية هههههههههههه
السنة اللي فاتت قلت نعمل لشعري الترطيبة و درت واحدة سمايتها إيكسطونسيو عند الكوافيرة ثمنها 90 درهم درتها و قالتلي الكوافيرة معنديش الما سخون مهم قلت ليها ماشي مشكل أنا نيت ماشية للحمام و نغسلو المهم هزيت السطولا و الرحيل الديالي و مشيت للحمام إوا درت ليكم الحنة و الصابون البلدي و قعدت في السخون و حكيت في خاطري و طلباتني واحد البنت حكيت ليها في سبيل الله او عاد تفكرت شعري
لتو درت الصابون و خرجت فرحانة بالشعر الرطب و المسبسب هههههههههه
دازت تلات أيام بالتمام و الكمال و أجيو تفرجو على ختكم الشعر ولا يتنصل من الجدر الله يحفظ تخلعت
ملي كنشوف راسي في المراية كولو طاح و خاصة من اللور وقت ما قستو كنجر معايا خصلة بديت على البكاوات و النواح و قالت لي الواليدوة البكا من مورا الميت خسارة و بديت على الوصفات
الوصفة الاولى: البصلة الحمراء و الزيت البلدية كنت كنديرها نهار أه و نهار لا و الريحة ضبر راسها المهم هو شعري يرجع ليا
الوصفة الثانية: الزعتر مغلي في الماء و نديرو في رشاش و نرش بيه شعري صباح و عشية بلا منغسلو
الوصفة الثالثة: الزكمونة و هي العجينة ديال أركان اللي كتبقى منو ملي يعصروه ختي خلطها مع الزيت البلديي و طليتها للراس
المهم شعري بدا ينبت و حمدت الله ملي ماقراعيت
دابا كندير ليه هاد الوصفة
الحلبة مطحونة مزيان+ صفار بيضة بلدية+ زيت الزيتون يتخلط مزيان و بلطي الشعر المقادير على خساب الشعر
بالنسبة للزيت صايبت زيت الزنجلان في البت واخا ريحتو مجهدة المهم كنشقق به شعري حتا هو مزيان
هذا جهدي عليكم خلطات لإنبات الشعر و نتمنى تستافدو من التجربة ديالي


 
Top