حبيبتي فيدي لبنات بوصفة تكثيف الحجبان. السلام عليكم جمعة مباركة خواتاتي في الله بغيت نفيد لبنات لي حجبانها رقاق ولا خفاف ولا كايطيحو وباغا تكثفهم عندي حل تشوفي نتيجة ديالو في اقل من اسبوع و الله انا ماخليت ما درت وملي درت هاد الوصفة وليت كانستغنى على القلم و كولشي كايقولي حجبانك كايهبلو ما شاء الله سمحولي كثرت فالهضرة ههه غي باش تعرفو عندو فعالية كبيرة و لي جربها يجي يكتب نتيجة هنا 4 ملاعق كبار زيت زيتون نقليو فيها بصلة حمرا شي 5 دقايق و نصفيوها ناخدو ديك زيت نخلطوها مع ثومة محكوكة و عظم تمر محروق و مدقوق و قرنفل محروق و مدقوق نخلطو كلشي نديروها فشي علبة نغلقوها الاستعمال نبداو من مور يوماين باش يكون تطلق داكشي مزيان ناخدو فرشة دماسكارا و ناخدو شوية من الخلطة و ندهنو بيه حجبانا . من ليل ليل وصافي فصباح غسلو عادي و تلاحظو فرق كبييير بين الاول و مور اسبوع كيف ما بخلتش عليكم الله يحفظكم ما تبخلوش عليا دعيو معايا يسهل ليا الله فشي ولد ناس من قلبكم و الله يحفظكم ♡
 
Top